Беларусь накачваюць расійскім маргарынам

• 13.01.2026, 13:35

Наша краіна — у пяцёрцы пакупнікоў.

За першыя дзесяць месяцаў года экспарт маргарына з Расіі дасягнуў 350 млн долараў, пры гэтым Беларусь увайшла ў лік ключавых пакупнікоў гэтай прадукцыі. На яе долю прыпала каля 11% усіх замежных паставак.

Паводле даных аналітычнага рэсурсу «Агроэкспорт», Беларусь заняла чацвёртую пазіцыю сярод найбуйнейшых імпарцёраў расійскага маргарына.

Пяцёрка краін-лідараў па аб'ёме закупак у грашовым эквіваленце выглядае так:

Казахстан — 26% ад агульнага экспарту;

Узбекістан — 15%;

Таджыкістан — 13%;

Беларусь — 11%;

Азербайджан — 9%.

Паводле папярэдніх падлікаў спецыялістаў, за студзень–снежань 2025 года Расія паставіла на знешнія рынкі звыш 200 тысяч тон маргарына агульным коштам амаль 350 млн долараў. У параўнанні з 2024 годам экспарт у грашовым эквіваленце павялічыўся на 27%.