Беларус пайшоў нестандартным шляхам, каб атрымаць спадчыну

• 13.01.2026, 10:47

Гісторыя адбылася ў Брэсце.

Жыхар Брэста звярнуўся па генетычную экспертызу пасля смерці бацькі, паведамілі ў Дзяржаўным камітэце судовых экспертыз (ДКСЭ), піша «Зеркало».

Берасцеец папрасіў спецыялістаў ведамства высветліць, ці быў мужчына, які памёр у 2025 годзе, яго біялагічным бацькам. Юрыдычнага пацвярджэння кроўных сувязяў ён не меў.

Эксперты вылучылі генатып з асабістых рэчаў памерлага, а таксама сабралі біялагічны матэрыял заяўніка. Параўнальны аналіз пацвердзіў іх сваяцтва.

«Заключэнне экспертызы дазволіць мужчыну юрыдычна ўстанавіць бацькоўства ў дачыненні да спадчынадаўцы і надалей рэалізаваць правы на спадчыну нараўне з іншымі», — паведамілі ў ДКСЭ.