«Бачу мэту, не бачу перашкод»

• 12.01.2026, 21:42

Паход беларускай на «вейкі» падчас лютавання цыклону набраў мільёны праглядаў у сацсетках.

Увечары 8 студзеня да Беларусі падышоў цыклон «Уллі», які прынёс моцныя снежныя завеі — быў нават усталяваны рэкорд па зімовых ападках. Непагадзь стала не толькі падставай для праяўлення салідарнасці беларусаў, але і прывяла да з'яўлення вірусных відэа. Так, у TikTok ёсць ролік з Мінска, які ўжо набраў больш за 4,6 млн праглядаў. На відэа дзяўчына ідзе да майстрыцы па вейках, нягледзячы на вялікую колькасць снегу, піша «Зеркало».

Відэа з подпісам «А на што вы гатовы дзеля прыгожых вейкаў?» было апублікавана падчас разгула снежнай стыхіі, за тры дні ролік набраў больш за 4,6 млн праглядаў.

Аўтарка паказвае, як яе кліентка дабіраецца да яе на «вейкі». Паводле слоў майстрыцы, тады паркоўка каля бізнес-цэнтра была «занесеная дашчэнту, ніхто не прыбірае, дабіраюцца толькі самыя стойкія кліенты».

У выніку дзяўчына дайшла, а яе настойлівасць сабрала больш за 500 тысяч лайкаў і тры тысячы каментарыяў, папулярныя такія:

«У самурая няма мэты, ёсць толькі шлях».

«Выходзіць, вы добры майстар — не прабіраецца, проста маршыруе».

«Бачу мэту, не бачу перашкод!».

«Я захапляюся яе мэтанакіраванай хадой».

«Я думала, яна ішла з думкамі: «Ве-й-кі, ве-й-кі, вейкііііііі»».