У Беларусі вярнулі маркіроўку безалкагольных напояў

• 12.01.2026, 15:02

Яе часова адмянялі ў кастрычніку.

З 12 студзеня аднаўляецца маркіроўка ўніфікаванымі кантрольнымі знакамі безалкагольных напояў. Інфармацыя пра гэта з'явілася на сайце Міністэрства па падатках і зборах.

Маркіроўку безалкагольных напояў часова адмянялі з 1 кастрычніка 2025 года.

Так, з 12 студзеня ўсе безалкагольныя напоі, якія вырабляюцца ў Беларусі або увозяцца ў краіну, павінны быць прамаркіраваныя ў ўстаноўленым парадку ўніфікаванымі кантрольнымі знакамі.

Пры гэтым пастановай № 795 ад 30 снежня ўстаноўлена, што няма неабходнасці ў маркіроўцы рэшткаў указаных тавараў. У выніку маркіраваць уніфікаванымі кантрольнымі знакамі рэшткі безалкагольных напояў, вырабленых або увезеных з 1 кастрычніка 2025-га да 11 студзеня 2026-га, не патрабуецца.

Нагадаем, што датычыць маркіроўкі сродкамі ідэнтыфікацыі, то для безалкагольных напояў і сокаў яна перанесеная з 1 кастрычніка 2025 года на 1 мая 2026-га. На гэты час для гэтых тавараў захоўваецца маркіроўка ўніфікаванымі кантрольнымі знакамі.