Найдаражэйшы дом у Мінску ў снежні прадалі амаль за $300 тысяч

• 12.01.2026, 14:30

Што пра яго вядома.

Найдаражэйшы з дамоў, прададзеных у сталіцы ў снежні, абышоўся пакупніку ў $299 тыс. Як піша Realt, ён знаходзіцца на тэрыторыі прыватнай забудовы ў Сельгаспасёлку.

Сельгаспасёлак — даволі дарагі раён у межах вул. Багдановіча. Квартал, дзе знаходзіцца прададзены дом, размешчаны ў межах вуліц Багдановіча, Халтурына, Алешава і Падольскай.

Гэта адзін з сучасных двухпавярховых блочных катэджаў — амаль зусім новы, пабудаваны ў 2025 годзе. Яго плошча складае 174 кв. м. То-бок за кожны «квадрат» у гэтым доме пакупнік заплаціў $1721.

Нядаўна СМІ пісалі, што ў сталічным мікрараёне Дразды трохпакаёвую кватэру ў снежні набылі за $489 тыс. Яна стала найдаражэйшай кватэрай, прададзенай у Беларусі ў снежні.