У Полацкім раёне легкавы аўтамабіль урэзаўся ў сустрэчны рэйсавы аўтобус

• 12.01.2026, 12:11

Загінулі два чалавекі.

Два чалавекі загінулі пры сутыкненні легкавага аўтамабіля і аўтобуса ў Полацкім раёне, паведамілі ў прэс-службе МУС.

Аварыя адбылася 12 студзеня каля 09.30 на трасе Н3200 Полацк — Ушачы. Папярэдне ўстаноўлена, што 34-гадовы вадзіцель Volkswagen не справіўся з кіраваннем і выехаў на паласу сустрэчнага руху, дзе сутыкнуўся з рэйсавым аўтобусам МАЗ.

У выніку ДТЗ вадзіцель легкавага аўтамабіля і яго пасажыр, асоба якога ўстанаўліваецца, ад атрыманых траўмаў загінулі на месцы.

У аўтобусе знаходзіліся 10 чалавек, ніхто не пацярпеў.