Высокапастаўлены супрацоўнік расійскага пасольства на Кіпры быў знойдзены мёртвым

• 12.01.2026, 11:29

Прама ў сваім кабінеце.

Высокапастаўлены супрацоўнік расійскага пасольства на Кіпры быў знойдзены мёртвым у сваім кабінеце. Пра гэта паведаміў тэлеканал ANT1. Паводле звестак журналістаў, расійскае пасольства з вялікай затрымкай паведаміла кіпрскім уладам пра тое, што адбылося. Калі паліцыя прыбыла ў пасольства, ім забаранілі заходзіць унутр; цела загінулага было перададзена паліцыянтам на двары будынка пасольскага комплексу.

Супрацоўнікі пасольства паведамілі паліцыянтам, што расследаванне праводзіць не трэба, бо смерць наступіла ў выніку самагубства.

Загінулы, паводле іх слоў, пакінуў перадсмяротную запіску, але яе кіпрскім уладам не перадалі. Імя і пасада супрацоўніка, пра якога ідзе гаворка, не раскрываюцца.