Хто можа здрадзіць Лукашэнку?

• 12.01.2026, 9:22

Меркаванне аналітыка.

Аналітык Сяргей Чалы, каментуючы захоп амерыканцамі Нікаласа Мадура, паразважаў, хто можа дапамагчы ў падобнай аперацыі супраць Лукашэнкі. Пра гэта Чалы распавёў на канале БРЦ:

– Бліскучая ваенная аперацыя, напэўна, была б немагчымая без здрады знутры.

Калі першая асоба (Лукашэнка — Заўв.) дэкларуе, што своечасова здрадзіць — прадбачыць, то і яму трэба быць гатовым, што ў гэтую гульню можа гуляць не ён адзін.

Я на месцы Лукашэнкі прыгледзеўся б да Тэртэля. Бо менавіта ён, як мы цяпер ведаем, курыруе і амерыканскі перамоўны трэк, і гандаль палітвязнямі, і адказвае за наладжванне дыпламатычных кантактаў з суседнімі краінамі.