У Гомельскім раёне п’яны кіроўца BMW урэзаўся ў мікрааўтобус, што рухаўся ў тым жа напрамку

• 11.01.2026, 22:02

Два чалавекі пацярпелі.

Два чалавекі пацярпелі пры сутыкненні легкавіка і мікрааўтобуса ў Гомельскім раёне, паведамілі ў абласнай ДАІ.

Прыгода здарылася 11 студзеня ў 00:30. Паводле папярэдняй інфармацыі, 30‑гадовы кіроўца ехаў па вуліцы Савецкай у аграгарадку Ераміна і ўрэзаўся ў мікрааўтобус Fiat, які рухаўся ў тым жа напрамку.

У выніку ДТЗ кіроўца BMW, а таксама яго 44‑гадовы пасажыр атрымалі траўмы, іх даставілі ў бальніцу.

Інспектары высветлілі, што кіроўца легкавіка знаходзіўся ў стане алкагольнага ап’янення.