Сабаленка пасля перамогі на турніры ў Брысбене звярнулася да ўкраінкі Марты Касцюк

• 11.01.2026, 18:56

У матчы за тытул беларуска перамагла з лікам 6:4, 6:3.

Чатырохразовая пераможца турніраў «Вялікага шлема», лідарка рэйтынгу WTA беларуская тэнісістка Арына Сабаленка звярнулася да ўкраінкі Марты Касцюк пасля фінальнага матчу на турніры катэгорыі WTA-500 у Брысбене (Аўстралія).

У матчы за тытул Сабаленка перамагла з лікам 6:4, 6:3 і заваявала 22-гі тытул WTA ў адзіночным разрадзе.

«Перш за ўсё хачу павіншаваць Марту і яе каманду з неверагодным пачаткам сезону. Жадаю вам усяго найлепшага. Спадзяюся, мы яшчэ шмат разоў сустрэнемся ў фіналах, каб паказаць выдатны тэніс!» — сказала Сабаленка пасля матчу.