У сетцы з’явілася фота трупа, які ляжаў на заснежанай мінскай вуліцы

• 11.01.2026, 14:48

У міліцыі пракаментавалі.

У шэрагу тэлеграм-каналаў з’явіліся фота і відэа трупа, выяўленага на тратуары на сталічнай вуліцы Адоеўскага. Падрабязнасці агенцтву «Мінск-Навіны» растлумачылі ў міліцыі.

У УСК па Мінску пацвердзілі сапраўднасць фота і ўдакладнілі, што смерць не носіць крымінальнага характару.

«Паводле даных следства, увечары 10 студзеня паблізу дома № 107 на вул. Адоеўскага 76-гадоваму мужчыну стала блага. Прахожыя выклікалі хуткую медыцынскую дапамогу, аднак выратаваць яго не ўдалося. Прызначана судова-медыцынская экспертыза, правядзенне якой даручана спецыялістам ДКСЭ (Дзяржаўнага камітэта судовых экспертыз. — Заўв. рэд.), — удакладнілі сілавікі.

Нагадаем, што некалькі дзён таму, 9 студзеня, мінчукі з вуліцы Байкальскай, не чакаючы камунальнікаў, вырашылі самастойна расчысціць свой двор і наткнуліся на труп. Тая гісторыя таксама не насіла крымінальнага характару.