Буданаў правёў першую нараду на пасадзе кіраўніка Офіса Прэзідэнта Украіны

• 10.01.2026, 16:25

У цэнтры ўвагі — карупцыя ў ТЦК.

Кіраўнік Офіса Прэзідэнта Украіны Кірыл Буданаў правёў пашыраную нараду па пытаннях карупцыі ў тэрытарыяльных цэнтрах камплектавання (ТЦК) і самавольнага пакідання частак (па-ўкраінску — СЗЧ) у арміі. Пра гэта ён паведаміў у суботу, 10 студзеня.

У нарадзе ўзялі ўдзел кіраўніцтва Генеральнага штаба, Сухапутных войскаў, Ваеннай службы правапарадку і кіраўнікі праваахоўных органаў.

Буданаў заявіў, што карупцыя ў ТЦК і СП і СЗЧ у Сілах абароны — гэта праблемы, якія ўплываюць на абараназдольнасць Украіны.

«Злоўжыванне службовымі абавязкамі і падрыў ваеннай дысцыпліны — недапушчальныя. Мы вывучаем праблематыку гэтых пытанняў і рыхтуем зразумелыя і эфектыўныя рашэнні», — напісаў кіраўнік ОП у Telegram.