У Беларусі забаранілі папулярны шарыкавы дэзадарант

• 10.01.2026, 14:46

Ён уваходзіць у склад падарункавых набораў.

У Беларусі забаранілі прадаваць шарыкавы антыперспірант Rexona, які, у тым ліку, уваходзіць у склад падарункавых набораў, выплывае з рэестра Дзяржстандарта, піша «Зеркало».

Антыперспірант Rexona, выраблены расійскай фірмай «Юнілевер Русь», забаранілі прадаваць у Беларусі з-за неадпаведнасці патрабаванням бяспекі.

Прычына — наяўнасць у складзе інгрэдыента Butylphenyl methylpropional. Яго таксама называюць ліліаль. Гэта рэчыва лічаць алергенам, яно можа выклікаць раздражненне скуры ў некаторых выпадках; у касметыцы яго выкарыстоўваць нельга.

Акрамя таго, пад забарону трапіла і расійская туалетная вада Franca Feretti Black.

Прычына — пры вытворчасці выкарыстаны інгрэдыент lyral (4-(4-Hydroxy-4-methylpentyl)cyclohex-3-ene-1-carbaldehyde), забаронены пры вырабе парфумерна-касметычнай прадукцыі.