Першы ў 2026-м: беспілотнікі паразілі Ільскі НПЗ у Расіі

• 1.01.2026, 10:45

У навагоднюю ноч успыхнула таксама нафтабаза ў Калужскай вобласці.

У Расіі ў навагоднюю ноч гараць адразу два аб'екты - гаворка ідзе пра нафтабазу ў населеным пункце Людзінава Калужскай вобласці, а таксама Ільскі НПЗ у Краснадарскім краі.

Аб гэтым паведамляе РБК-Украіна са спасылкай на расійскія СМІ.

Аб'екты былі атакаваныя беспілотнікамі: пра нафтабазу ў Людзінаве паблікі пісалі яшчэ 31 снежня, незадоўга да бою курантаў. А вось НПЗ у Калужскай вобласці быў паражаны ўжо ў новым годзе, 1 студзеня.

«Нафтабаза ў н.п. Людзінава працягвае палыхаць пасля прылёту святочнага БПЛА», - гаворыцца ў каментары пад відэа на адным з Telegram-каналаў.

«Першы НПЗ 2026 года ўжо ў скарбонцы», - напісана пад яшчэ аднымі кадрамі ўжо з наступствамі атакі на Ільскі нафтаперапрацоўчы завод.

«Ільскі НПЗ прымае эстафету ў 2026 годзе», - пішуць паблікі пад яскравымі кадрамі, на якіх бачна зарыва ад агню на начным гарызонце.