Цана на золата абнавіла гістарычны максімум

• 8.09.2025, 22:55

Перавысіла адзнаку ў $3,6 тыс. за тройскую унцыю.

Кошт золата працягвае расці і абнавіў гістарычны максімум, перавысіўшы адзнаку ў $3,6 тыс. за тройскую унцыю на таргах у пачатку тыдня.

Па стане на вечар панядзелка спот-кошт склаў $3640,26, што на 1,49% вышэй за закрыццё папярэдняй сесіі. Максімум таргоў дасягнуў $3646,43 за унцыю. Снежаньскія ф'ючэрсы на біржы Comex падаражэлі да $3677,2.

Асноўным фактарам росту выступаюць чаканні зніжэння працэнтнай стаўкі Федэральнай рэзервовай сістэмы ЗША на наступным тыдні. З пачатку года цана золата вырасла прыкладна на 38,5%.