Sky News: Кіраўнік МЗС Украіны плануе візіт у Венгрыю

• 8.09.2025, 17:39

Ужо на гэтым тыдні.

Міністр замежных спраў Украіны Андрэй Сібіга плануе наведаць Венгрыю з прычыны росту напружанасці паміж краінамі.

Пра гэта паведамляе РБК-Украіна са спасылкай на Sky News.

Як паведамляе выданне, Сібіга наведае Венгрыю на гэтым тыдні.

Sky News нагадвае, што адносіны паміж Будапештам і Кіевам былі азмрочаныя канфліктамі наконт правоў меншасцяў ва Украіне.

Таксама Венгрыя атрымлівае большасць сваіх энерганосьбітаў з Расіі і адмовілася пастаўляць Украіне зброю.

Акрамя таго, прэм'ер-міністр Венгрыі Віктар Орбан таксама рашуча выступіў супраць сяброўства Украіны ў ЕС.

Кіраўнік МЗС Венгрыі Петер Сіярта пацвердзіў візіт Сібігі і сустрэчу з ім у Будапешце.

- На гэтым тыдні сустрэнемся з Андрэем Сібігам у Будапешце, каб абмеркаваць венгерска-ўкраінскія адносіны. Мы верым у дыялог і заўсёды гатовыя да перамоў. Але мяч на баку Украіны: сапраўдны прагрэс магчымы толькі пры ўмове поўнага аднаўлення правоў, адабраных у венграў на Закарпацці, - напісаў ён у сацсетцы Х.