Папулярны банк увёў важныя змены для беларусаў

• 8.09.2025, 16:33

Ад новай паслугі да карэкціроўкі тарыфаў.

У «Беларусбанку» з 8 верасня з'явіліся змены для кліентаў. Пра гэта паведамілі ў кантакт-цэнтры фінустановы.

Банк асобна прапісаў у зборніку ўзнагароджанняў паслугу па выдачы даведак кліентам аб здзейсненых плацяжах — 25 рублёў за адну такую аперацыю. «Афармленне даведкі ажыццяўляецца на рускай мове», — удакладняе фінустанова.

«Павялічваецца тарыф за прадастаўленне дэпазітнага сейфа ў часовае карыстанне і для фізічных асоб, і для юрыдычных», — дадалі ў банку.

Таксама «Беларусбанк» з 8 верасня запусціў новую паслугу — засведчанне даверанасці па дагаворы аб прадастаўленні дэпазітнага сейфа ў часовае карыстанне, прыняцці каштоўнасцяў на адкрытае банкаўскае захоўванне.

«Таксама павялічваецца мінімальная сума пры прыёме плацяжоў на іншыя мэты», — удакладнілі ў банку.