Трамп адрэагаваў на расійскія ўдары па Украіне

• 8.09.2025, 8:19

Прэзідэнт ЗША анансаваў размову з Пуціным.

Прэзідэнт ЗША Дональд Трамп заявіў, што ён «не ў захапленні» ад таго, што адбываецца ва Украіне, каментуючы масіраваны расійскі абстрэл 7 верасня. Пра гэта піша CNN.

«Я не ў захапленні ад таго, што там адбываецца. Я веру, што мы гэта ўрэгулюем. Але я імі незадаволены. Я незадаволены нічым, што звязана з гэтай вайной», – цытуе выданне кіраўніка Белага дома.

Таксама ён пацвердзіў журналістам, што «вельмі хутка» пагаворыць з расійскім дыктатарам Уладзімірам Пуціным, удакладніўшы, што гэта адбудзецца «на працягу наступных некалькіх дзён».

Акрамя таго, паводле слоў Трампа, на пачатку тыдня Белы дом наведаюць некаторыя еўрапейскія лідары, з якімі ён абмяркуе вайну ва Украіне.