Беларусаў чакаюць цёплыя выхадныя

• 5.09.2025, 22:35

Месцамі будзе дажджліва.

У суботу, 6 верасня, у Беларусі прагназуецца пераменная воблачнасць, паведамляе Белгідрамет.

Месцамі па краіне пройдуць кароткачасовыя дажджы, прагрымяць навальніцы. Уначы і раніцай месцамі будзе згушчацца туман. Вецер прагназуецца паўднёва-ўсходні ад слабага да ўмеранага, пры навальніцах — парывісты.

Уначы тэрмометры пакажуць 9–15 градусаў вышэй за нуль, на захадзе Беларусі будзе да 17 градусаў цяпла. Уднём чакаецца ад +23 на ўсходзе да +30 на паўднёва-захадзе краіны.

Нядзеля будзе воблачнай з праясненнямі. Месцамі па краіне прагназуюцца кароткачасовыя дажджы і навальніцы. Тэрмометры ўначы пакажуць ад +6 градусаў на паўднёвым усходзе да +18 на захадзе краіны. Уднём паветра прагрэецца да 20–27 градусаў цяпла.