Украінскія памежнікі ўзялі ў палон двух акупантаў

• 5.09.2025, 18:21

Відэафакт.

Байцы памежнай брыгады «Форпост» на Ваўчанскім напрамку захапілі двух расійскіх салдат. Паводле слоў палонных, яны з'яўляюцца былымі зняволенымі, якіх прымусілі служыць у войску пад пагрозай павелічэння тэрміну зняволення.

Пра гэта ў пятніцу, 5 верасня, паведаміла Дзяржаўная памежная служба Украіны.

«Іх забеспячэнне на фронце зводзілася да банкі тушанкі раз на некалькі дзён і пастаяннай нястачы вады. Гэтыя гісторыі — з шэрагу многіх, дзе краіна-агрэсар робіць «дабравольцаў» з насамрэч загнаных у войска пад страхам пакарання», — гаворыцца ў паведамленні.