Трамп назваў Мядзведзева «дурным чалавекам»

• 30.09.2025, 18:32

Прэзідэнт ЗША параіў намесніку старшыні Савета бяспекі РФ не разкідвацца словамі.

Прэзідэнт ЗША Дональд Трамп назваў намесніка старшыні Савета бяспекі Расіі Дзмітрыя Мядзведзева «дурным чалавекам». Такую характарыстыку расійскаму палітыку амерыканскі лідар даў 30 верасня, выступаючы перад вышэйшым камандным складам Узброеных сіл ЗША.

— Расія нам трохі пагражала нядаўна. І я накіраваў атамныя падводныя лодкі — найбольш смяротную зброю з калі-небудзь створаных — [да берагоў Расіі]. Я зрабіў гэта з-за яго згадвання слова «ядзерны»… Гэта [слова згадаў] дурны чалавек, які працуе на [Пуціна]. І я накіраваў падлодку або дзве да берага Расіі. Проста дзеля перасцярогі. Мы не можам дазволіць людзям разкідвацца гэтым словам направа і налева, — сказаў Дональд Трамп, адзначыўшы, што ЗША «на 25 гадоў апярэджваюць Расію і Кітай» у развіцці тэхналогій вытворчасці падводных лодак.

Нагадаем, 1 жніўня амерыканскі лідар паведаміў, што ў сувязі «з надзвычай правакацыйнымі заявамі» экс-прэзідэнта Расіі Мядзведзева на ядзерную тэматыку аддаў загад «размясціць дзве атамныя падводныя лодкі ў адпаведных раёнах на выпадак, калі гэтыя дурныя і правакацыйныя заявы апынуцца чымсьці большым».