У Пакістане падлетак расстраляў сям'ю пасля паразы ў анлайн-гульні

• 26.09.2025, 1:08

Суд прыгаварыў 17-гадовага Заіна Алі да 100 гадоў пазбаўлення волі.

Суд у Пакістане прыгаварыў 17-гадовага Заіна Алі да 100 гадоў пазбаўлення волі за забойства сваёй маці, брата і дзвюх сясцёр з-за «ўспышкі ярасці», звязанай з ягоным фанатычным захапленнем анлайн-гульнёй PUBG, паведамляе The Independent.

Суд у Лахоры прысудзіў чатыры тэрміны пажыццёвага зняволення — па 25 гадоў за кожнае забойства. Малады чалавек прызнаў віну.

Паводле даных паліцыі, у дзень злачынства «Алі страціў розум пасля таго, як прамахнуўся па мэце, гуляючы некалькі гадзін запар, і атрымаў вымову ад маці». Схапіўшы пісталет маці, Алі ўвайшоў у пакой, дзе 45-гадовая жанчына спала з двума малодшымі сёстрамі ва ўзросце 15 і 20 гадоў, і адкрыў агонь. Таксама загінуў яго старэйшы 20-гадовы брат Тэймур.

У пастанове суддзя заявіў, што злачынства Алі было «справакавана залежнасцю, калі гульня стала мацнейшай за сямейныя сувязі».