Памёр легендарны англійскі рок-музыкант Дэні Томпсан

• 25.09.2025, 18:15

Мультыінструменталіст пайшоў з жыцця ва ўзросце 86 гадоў.

Выбітны англійскі музыкант Дэні Томпсан пайшоў з жыцця ва ўзросце 86 гадоў. Пра гэта паведамляе выданне The Guardian.

Музыкант, аўтар песняў, прадзюсар і мультыінструменталіст праславіўся як кантрабасіст. Ён некалькі гадоў іграў у знакавым калектыве Blues Incorporated, запісаў некалькі сольных альбомаў, выпускаў рэлізы з Пітэрам Гэбрыэлам, Родам Ст'юартам, Кліфам Рычардам і іншымі вядомымі рокерамі і зоркамі сцэны.

У 13 гадоў ён змайстраваў свой першы кантрабас са скрыні з-пад чаю і скрадзенага фартэпіяннага дроту. У 16 гадоў ён ужо іграў у клубах лёнданскага Соха. Пасля тэрміновай службы адправіўся ў турнэ разам з Роем Орбісанам.