Беларусь атрымала афіцыйнае паведамленне ад Польшчы аб адкрыцці мяжы

• 24.09.2025, 10:10

Пункты пропуску пачнуць працу 25 верасня з першай гадзіны ночы па беларускім часе.

Беларусь атрымала афіцыйнае паведамленне ад польскага боку аб адкрыцці закрытых амаль на два тыдні пунктаў пропуску на беларуска-польскай мяжы, паведаміў Дзяржпагранкамітэт.

«У Дзяржпагранкамітэт паступіла афіцыйнае паведамленне Памежнай службы Рэспублікі Польшча аб адкрыцці з першай гадзіны ночы 25 верасня па беларускім часе закрытых амаль два тыдні таму пунктаў пропуску на беларуска-польскай мяжы», — гаворыцца ў паведамленні.

Мяжа Польшчы з Беларуссю была закрытая ў ноч на 12 верасня, калі ў нашай краіне стартавалі вучэнні «Захад-2025». Закрыццё мяжы прывяло да блакады транзіту кітайскіх грузаў у Еўропу.