Пад Гроднам заўважылі анамальную колькасць матылькоў

• 23.09.2025, 22:21

Відэа.

Прырода працягвае нас здзіўляць. І справа не толькі ў цёплым надвор'і, але і ў тым, як паводзяць сябе расліны і жывыя арганізмы. Такія тэмпературныя «качэлі» цалкам могуць збіць ім біялагічны гадзіннік. Адну з такіх анамалій зафіксаваў чытач Newgrodno.by Аляксей.

«На адзін з кустоў на прысядзібным участку зляцелася проста неверагодная колькасць матылькоў. Здавалася, нібы самі кветкі ажылі. Выглядала гэта вельмі прыгожа: быццам матылі прынеслі на сваіх крылах лета», — расказаў Аляксей.

Усё адбываецца ў вёсцы Жорнаўка, у прыгарадзе Гродна. Вось такое прывітанне з лета. Каб убачыць прыгажосць, часам варта проста азірацца вакол.