Трамп: расійская эканоміка ў жахлівым стане

• 23.09.2025, 21:50

Паводле слоў прэзідэнта ЗША, яна разбураецца.

Найбольшы прагрэс у завяршэнні вайны Расіі супраць Украіны цяпер — тое, што расійская эканоміка ў жахлівым стане.

Пра гэта заявіў прэзідэнт ЗША Дональд Трамп падчас сустрэчы з прэзідэнтам Украіны Уладзімірам Зяленскім.

У Трампа спыталі пра прагрэс у завяршэнні вайны ва Украіне з моманту ягонай апошняй сустрэчы з Зяленскім.

«Найбольшы прагрэс — тое, што расійская эканоміка ў жахлівым стане проста цяпер. Яна разбураецца. Шчыра кажучы, Украіна робіць вельмі добрую справу, калі спыняе гэтую вельмі вялікую армію (расійскую, — рэд.)», — сказаў прэзідэнт ЗША.