Трамп: ААН піша лісты, але не вырашае праблем

• 23.09.2025, 19:02

Прэзідэнт ЗША абвінаваціў ААН у бяздзейнасці ў вырашэнні міжнародных канфліктаў.

Прэзідэнт ЗША Дональд Трамп, выступаючы на Генасамблеі ААН у Нью-Ёрку, абвінаваціў міжнародную арганізацыю ў бяздзейнасці пры ўрэгуляванні сусветных канфліктаў, — пры тым, што ў яе «ёсць патэнцыял».

«Здаецца, яны толькі і робяць, што пішуць лісты з вельмі рэзкімі фармулёўкамі, а пасля ніяк іх не рэалізуюць. Гэта ўсё пустыя словы, а пустыя словы не вырашаюць праблем», — сказаў Трамп.

Ён таксама паўтарыў, што «паклаў канец сямі вайнам» з моманту свайго вяртання ў Белы дом.

У лютым гэтага года Трамп вывёў ЗША з Рады ААН па правах чалавека, а таксама забараніў фінансаванне Блізкаўсходняга агенцтва ААН па дапамозе палестынскім бежанцам (БАПОР).