У Мінскай вобласці шукаюць дыверсійна-выведвальныя групы

• 23.09.2025, 18:48

Што адбываецца?

Тэрытарыяльныя войскі адпрацуюць барацьбу з дыверсійна-выведвальнымі групамі з выкарыстаннем артылерыі падчас вучэнняў у Мінскай вобласці.

«З 23 па 25 верасня пройдуць камандна-штабныя вучэнні ў межах навучальнага збору тэрытарыяльных войскаў Маладзечанскага раёна Мінскай вобласці. Удзел возьмуць ваеннаабавязаныя, прызваныя з запасу, супрацоўнікі органаў унутраных спраў, а таксама добраахвотнікі народнага апалчэння», — інфармуе ведамства.

Паводле звестак прэс-службы, плануецца адпрацаваць пытанні аховы і абароны аб’ектаў тэрытарыяльнай абароны, барацьбы з дыверсійна-выведвальнымі групамі праціўніка, забеспячэння мер ваеннага становішча, у тым ліку з удзелам народнага апалчэння.

Асаблівасцю правядзення вучэнняў будзе навучанне кіраванню тэрытарыяльнымі войскамі, узмоцненымі артылерыйскімі падраздзяленнямі, падчас знішчэння дыверсійна-выведвальных груп праціўніка.