Рабочы загінуў пры падзенні з вышыні ў Мінску

• 23.09.2025, 18:07

Яго калега ў бальніцы.

Удзень 23 верасня ў Мінску загінуў рабочы. Паводле папярэдніх звестак, падчас дэмантажу канструкцыі ён разам з ёй упаў з вышыні шасці метраў, паведамілі ў Следчым камітэце.

Удзень 23 верасня двое мужчын займаліся дэмантажам металічнай канструкцыі ў цэху аднаго са сталічных прадпрыемстваў, які рэканструюецца.

«Падчас дэмантажу металічнай канструкцыі яна абрынулася, і рабочыя ўпалі з вышыні каля шасці метраў», — паведамілі ў СК.

Ад атрыманых траўмаў 52-гадовы мужчына загінуў на месцы, а 38-гадовага шпіталізавалі ў цяжкім стане.