Беларусь заявіла пра гатоўнасць адкрыць мяжу з Польшчай

• 23.09.2025, 17:59

Рэжым чакае афіцыйнага падпісання польскім бокам дакументаў аб адкрыцці мяжы.

Мінск можа адкрыць мяжу з Польшчай. Пра адпаведную гатоўнасць заявілі ў прэс-службе Дзяржаўнага мытнага камітэта (ДМК) Беларусі.

«Дзяржаўны мытны камітэт гатовы да адкрыцця мяжы з польскім бокам. Чакаем афіцыйнага падпісання польскім бокам дакументаў аб адкрыцці мяжы і паведамлення беларускай стараны», — удакладнілі ў ведамстве.

Раней адкрыццё мяжы з Беларуссю ў ноч на 25 верасня анансаваў прэм’ер-міністр Польшчы Дональд Туск. Ён патлумачыў, што абмежаванні ўводзіліся ў сувязі з вучэннямі Расіі і Беларусі «Захад-2025».