Зяленскі далажыў Келогу пра контрнаступленне ЗСУ каля Пакроўска і Добраполля

• 23.09.2025, 7:38

Таксама яны закранулі тэму развіцця супрацоўніцтва паміж Украінай і ЗША.

Прэзідэнт Украіны Уладзімір Зяленскі правёў у Нью-Ёрку сустрэчу са спецпрадстаўніком Трампа Кітам Келогам. Ён праінфармаваў генерала пра сітуацыю на фронце.

Пра гэта паведамляе Telegram кіраўніка Украіны.

«Праінфармаваў пра сітуацыю на фронце і вынікі контрнаступальнай аперацыі каля Добраполля і Пакроўска», — заявіў прэзідэнт Украіны.

Таксама яны закранулі тэму развіцця супрацоўніцтва Украіны і ЗША. У прыватнасці, гаворка ішла пра ўзаемавыгадныя пагадненні па беспілотніках і закупцы амерыканскай зброі, якія Кіеў прапанаваў Вашынгтону.

«Удзячны Кіту Келогу за падтрымку і дапамогу, а прэзідэнту ЗША Дональду Трампу — за намаганні дзеля заканчэння вайны і спынення забойстваў», — рэзюмаваў Зяленскі.