Францыя афіцыйна прызнала Палестыну

• 23.09.2025, 3:33

Макрон выступіў з заявай.

Прэзідэнт Эманюэль Макрон абвясціў, што Францыя афіцыйна прызнала Дзяржаву Палестына. Пра гэта ён заявіў на Генасамблеі ААН у панядзелак, 22 верасня, паведамляе The Guardian.

«Прыйшоў гэты час. Вось чаму, верны гістарычным абавязкам маёй краіны адносна Блізкага Ўсходу, адносна міру паміж ізраільцянамі і палестынцамі. Вось чаму я заяўляю, што сёння Францыя прызнае Дзяржаву Палестына», — сказаў Макрон.

Французскі прэзідэнт падкрэсліў, што «свет павінен зрабіць усё магчымае, каб захаваць магчымасць суіснавання двух дзяржаў — Ізраіля і Палестыны, якія будуць жыць бок аб бок у міры і бяспецы».

Паводле слоў Макрона, гэта прызнанне адкрывае шлях да мірных перамоваў.