У акупаваным Крыме чуваць выбухі

• 22.09.2025, 21:55

Пад ударам ЗСУ — аэрадромы Кача і Бельбек.

У акупаваным Крыме і ў горадзе Севастопалі чуваць выбухі, паведамляюць крымскія Telegram-каналы.

Акупацыйныя ўлады заявілі, што сілы СПА знішчылі дзве паветраныя мэты над марской акваторыяй і паблізу аэрадрома Кача.

«Губернатар» Севастопаля Міхаіл Разважаеў заявіў, што ніводзін аб’ект гарадской інфраструктуры не пацярпеў.

Акупацыйныя ўлады забаранілі крымскім Telegram-каналам публікаваць любую інфармацыю пра паражэнне мэтаў на паўвостраве, а каментары ў каналах былі закрытыя.

Паводле інфармацыі канала «Крымскі вецер», аэрадром Кача апынуўся пад ударам, таксама паведамляецца пра выбухі паблізу аэрадрома Бельбек.