У Беларусі нарастае дэфіцыт кветак

• 22.09.2025, 14:54

З-за закрыцця польска-беларускай мяжы.

З-за закрыцця польска-беларускай мяжы ўжо сур'ёзна пацярпеў кветкавы бізнес у Беларусі. А паколькі частка кветак праз яе ішла ў Расію – то праблемы пачынаюцца і там.

Расійскі кветкавы рынак можа сутыкнуцца з перабоямі ў пастаўках зрэзаных кветак з-за закрыцця памежных пераходаў паміж Польшчай і Беларуссю, паколькі частка прадукцыі з яе ішла ў Расію, расказалі РБК у маркетплэйсе Flowwow.

«Зараз грузы перанакіроўваюцца праз Літву, але на мяжы ўтварыліся вялікія чэргі, што падаўжае тэрміны дастаўкі і павялічвае кошт перавозкі», — расказалі ў кампаніі.

Пакуль сітуацыя сур'ёзна адбілася на беларускіх сэлерах, бо ў краіне хутка чакаецца рост попыту на кветкі з-за Дня настаўніка і Дня маці ў кастрычніку. Але затрымкі на межах здольныя паўплываць на тэрміны і кошт дастаўкі букетаў і для расійскіх пакупнікоў. Flowwow адзначае, што ўдакладняе ў сэляраў, якія аб'ёмы паставак з Беларусі ідуць у Расію.