Coca-Cola назвала смакі, якія беларусы прапанавалі дадаць у лінейку напояў

• 22.09.2025, 14:07

Відэа кампаніі сабрала дзесяткі тысяч праглядаў і сотні каментарыяў з прапановамі.

Пяцёрку найбольш папулярных смакоў, якія беларусы часцей за ўсё прапаноўвалі дадаць у лінейку напояў Coca-Cola, пералічыла ў сябе ў TikTok прэс-служба кампаніі. У каментарыях да роліка, які сабраў больш за 100 тысяч праглядаў, карыстальнікі пашырылі спіс пажаданняў, піша «Зеркало».

Як адзначылі ў прэс-службе кампаніі, у топ-5 смакоў, якія найнастойлівей прасілі выпусціць беларусы, увайшлі: «Вішня», «Кіслы лімон», «Чарніца», «Грэйпфрут», «Яблык».

Ролік сабраў больш за 130 тысяч праглядаў і звыш 400 каментарыяў. Шмат хто падтрымаў ідэю аднаўлення выпуску ў Беларусі колы са смакам вішні. Іншыя «галасавалі» за кіслы лімон або чарніцу, але без цукру. Трэцім спадабалася ідэя з яблыкам і грэйпфрутам.

«Я думаю, лімон кіслы імба будзе. Тыпу ты спачатку п’еш колу — і потым такі смак лімона і кіслынка», — напісаў адзін з карыстальнікаў.

Частка падпісчыкаў узгадала пра колу са смакам ванілі:

«Чаму прыбралі ваніль. Я на яе малілася», — запатрабавала карыстальніца.

Былі агучаныя і іншыя пажаданні, якія ніяк не звязаныя са смакамі.

«Вярніце колу ў шкле», — напісаў адзін з гледачоў.

Нагадаем, амерыканская карпарацыя The Coca-Cola Company вырашыла застацца на беларускім рынку, а з РФ сышла вясной 2022 года.

Coca-Cola назвала смакі, якія беларусы прапанавалі дадаць у лінейку напояў

«Чаму прыбралі ваніль. Я на яе малілася».