«Абяцалі грошы, а кінулі ў бой»

• 22.09.2025, 9:34

Акупанты скардзяцца на «мясныя штурмы» пад Пакроўскам.

Расійскія салдаты скардзяцца, што камандаванне кідае іх у «мясныя штурмы» на Пакроўскім напрамку.

Відэа апублікаваў Telegram-канал Дэсантна-штурмавых войскаў Узброеных Сіл Украіны.

У прыватнасці, расійскі салдат, родам з Іркуцка, паказаў на відэа целы сваіх таварышаў. Ён сцвярджае, што знаходзіцца пад Пакроўскам, а таксама тое, што камандаванне іх адпраўляла «на мяса».

«Гэта яшчэ адно сведчанне пагарды камандавання РФ да жыцця сваіх падначаленых. Ім абяцаюць вялікія грошы па кантракце і чалавечае стаўленне, але грошы не выплачваюць і адразу адпраўляюць у бой. Без тэхнікі, без дапамогі, без падтрымкі, у «мясны штурм», — распавялі ў ДШВ.