Зяленскі плануе амаль два дзясяткі сустрэч падчас візіту ў ЗША

• 21.09.2025, 22:01

У тым ліку з Трампам.

Прэзідэнт Украіны Уладзімір Зяленскі паведаміў, што падчас візіту ў ЗША на Генеральную асамблею ААН ён плануе правесці амаль 20 міжнародных сустрэч.

«Цяпер рыхтуемся да вельмі напружанага тыдня — тыдня дыпламатыі. Шмат што можам зрабіць, калі партнёры будуць нас чуць і падтрымліваць прапановы, якія рэальна набліжаюць завяршэнне вайны. Будзе тыдзень Генеральнай асамблеі ААН — розныя мерапрыемствы, сустрэчы. Ужо ў графіку — амаль два дзясяткі сустрэч з лідарамі розных краін, з усіх частак свету — з усімі, хто даўно падтрымлівае Украіну, і з тымі, хто сярод нашых новых партнёраў», — заявіў Зяленскі ў відэазвароце вечарам 21 верасня.

Ён таксама паведаміў, што першыя сустрэчы запланаваныя на 22 верасня, а цягам тыдня, сярод іншага, плануецца сустрэча з прэзідэнтам ЗША Дональдам Трампам.

«Будзе важная падзея, прысвечаная вяртанню ўкраінскіх дзяцей, якіх выкрала Расія, — саміт сапраўды глабальны з гэтай нагоды. Важна, каб тыдзень дадаў свету настроенасці на рашучыя дзеянні — без сілы мір не будзе панаваць», — дадаў прэзідэнт Украіны.