Беларус заняў рэкордную пазіцыю ў рэйтынгу наймацнейшых баксёраў свету

• 21.09.2025, 19:49

З 11 баёў у прафесійным боксе ў яго 11 перамог.

Беларускі баксёр Дзмітрый Асаноў зайняў рэкордную пазіцыю ў рэйтынгу найлепшых баксёраў свету (WBC).

У лёгкай вазе ён падняўся на шостае месца.

Да гэтага ў рэйтынгу беларус займаў восьмую пазіцыю.

Паляпшыць вынік удалося пасля бою, падчас якога Асаноў заваяваў адразу два паясы.

У ноч на 5 верасня паводле беларускага часу наш спартовец сустрэўся з французам алжырскага паходжання Лаідам Дуадзі у канадскім Манрэалі.

Цікава, што да вочнага супрацьстаяння за пояс WBC Continental Americas абодва байцы не прайгравалі ў прафесійнай кар'еры.

Статыстыка Асанова да бою з французам налічвала 10 перамог, у суперніка іх было 28.

Але беларускі спартовец паспяхова абараніў пояс WBC, які заваяваў у красавіку 2025 года.

Акрамя бою за ўжо наяўны тытул ураджэнец Маладзечна змог заваяваць яшчэ адзін. Лідары супрацьстаяння Асаноў – Дуадзі прэтэндавалі на вакантнае чэмпіёнства па версіі IBF Intercontinental.

Дзякуючы перамозе над францусам беларускі баксёр здолеў заваяваць адразу два тытула за ноч.