Расійскія знішчальнікі выканалі нізкі пралёт над польскай нафтавай платформай у Балтыйскім моры

• 19.09.2025, 20:37

Была парушаная зона бяспекі платформы.

Памежная служба Польшчы паведаміла, што два расійскія знішчальнікі здзейснілі нізкі пралёт над бурыльнай платформай кампаніі Petrobaltic у Балтыйскім моры.

«Была парушаная зона бяспекі платформы. Пра гэта было паведамлена Узброеным сілам Рэспублікі Польшча і іншым службам», – дадалі там.

Пра інцыдэнт стала вядома ў той жа дзень, калі тры расійскія знішчальнікі МіГ-31 без дазволу ўвайшлі ў паветраную прастору Эстоніі над Фінскім залівам і знаходзіліся там усяго 12 хвілін. У НАТА паведамілі, што ажыццявілі перахоп самалётаў.

Пасля гэтага МЗС Эстоніі выклікаў часовага паверанага Расіі і выказаў яму пратэст.