Зяленскі расказаў пра контрнаступленне ЗСУ

• 19.09.2025, 20:27

Прэзідэнт Украіны адрэагаваў на сітуацыю ў Купянску.

Украінскія абаронцы трымаюць абарону ў раёне Купянска, а таксама працягваюць контрнаступленне ў Данецкай вобласці.

Пра гэта прэзідэнт Украіны Уладзімір Зяленскі паведаміў у вячэрнім звароце.

Паводле слоў кіраўніка ўкраінскай дзяржавы, сёння яму дакладвалі вайскоўцы і галоўнакамандуючы ЗСУ Аляксандр Сырскі.

Як адзначыў Зяленскі, украінскія воіны працягваюць контрнаступальныя дзеянні ў раёне Пакроўска і Дабраполля, дзе было адно з самых важных кірункаў для расійскага наступу. Поўнамаштабнае наступленне РФ разгарнуць не ўдалося.

- Украінскія вайскоўцы знішчаюць іх сілы. Значныя ў расіян страты. Значна папоўнены і абменны фонд для нашай дзяржавы. Кожны дзень дадаюцца расійскія палонныя, - сказаў прэзідэнт.

Кіраўнік украінскай дзяржавы падзякаваў усім падраздзяленням, якія задзейнічаны ў контрнаступленні.

Таксама Зяленскі адзначыў, што ў Купянску і раёнах вакол горада ўкраінскія воіны абараняюць пазіцыі. Ён падзякаваў усім брыгадам.

- Будуць і новыя нашы дыпстрайкі (далёкія ўдары - рэд.) у адказ на тое, што робіць Расія, - дадаў кіраўнік украінскай дзяржавы.