Аператары СБС Украіны нанеслі магутны ўдар па расіянах

• 19.09.2025, 19:43

Знішчылі пераправу і танкі РФ.

Аператары Сіл беспілотных сістэм (СБС) Украіны знішчылі расійскія танкі, пераправу і склад з гаручым.

На адным з ключавых участкаў фронту аператары 412-га палка Nemesis СБС нанеслі выніковыя ўдары па ворагу, знішчыўшы некалькі адзінак танкаў і гаўбіц. У выніку інтэнсіўнасць атак расіян зменшылася, а тактычная сітуацыя для падраздзяленняў Сіл абароны, наадварот, палепшылася.

Акрамя таго, аператары знішчылі пераправу і склад з гаруча-змазачнымі матэрыяламі, у выніку чаго расіяне страцілі магчымасць аператыўна перакідваць рэзервы і забяспечваць іх палівам.

- Сістэмная праца байцоў СБС скоўвае манеўры праціўніка і зніжае яго здольнасці да наступу. 412-ы полк Nemesis чарговы раз пацвердзіў статус адной з самых выніковых ударных сіл на гэтым напрамку, - гаворыцца ў публікацыі.

Усяго з пачатку верасня Сілы беспілотных сістэм паразілі 13611 цэляў, з якіх 3693 - асабовы склад арміі краіны-агрэсара.