У Віцебску жанчына ўпала з дзевятага паверха і выжыла

• 19.09.2025, 17:31

Аб стане здароўя пакуль не паведамляецца.

Жыхарка Віцебска засталася жывая, упаўшы з шматпавярхоўкі, паведаміла МНС.

Раніцай у чацвер у МНС паступіў сігнал аб дапамозе: жанчына выпала з дзевятага паверха шаснаццаціпавярховага дома на вуліцы генерала Белабародава і апынулася паміж металічнымі прутамі агароджы казырака пад’езда.

Ратавальнікі дэблакіравалі мясцовую жыхарку, пасля чаго з траўмамі рознай ступені цяжкасці яе даставілі ў бальніцу. Аб стане здароўя пакуль не паведамляецца.