Экс-пасол Украіны ў Беларусі: Па Лукашэнку нанесены сур'ёзны ўдар

• 19.09.2025, 17:16

Рэжым падставіў сваіх партнёраў.

Экс-пасол Украіны ў Мінску Ігар Кізім пракаментаваў «Еўрапейскай праўдзе» рашэнне Польшчы закрыць мяжу з Беларуссю:

— У той жа час еўрапейская палітыка становіцца ўсё больш незалежнай ад амерыканскай. У тым ліку — і ў дачыненні да Беларусі.

ЕС дэманструе, што хоць Трамп і можа нешта абяцаць, аднак рэальныя крокі па зняцці санкцый залежаць менавіта ад Еўропы.

Тое, што Польшча цяпер закрывае мяжу з Беларуссю, у пэўнай ступені з'яўляецца адказам Еўропы. Брусель цяпер нармальна рэагуе на гэта і не спыняе палякаў.

Закрыццё межаў — гэта вельмі сур'ёзны крок. І сур'ёзны ўдар па Лукашэнку.

Пасля 2014 года, калі Украіна дэ-факта перастала быць транзітнай краінай, менавіта Беларусь стала ключавым транзіцёрам кітайскіх і расійскіх тавараў у Еўропу.

І той факт, што пасля рашэння Польшчы закрыць мяжу ў Беларусь прыязджаюць кітайскія высокапастаўленыя чыноўнікі, сведчыць, што паводле іх логікі, якой бы ні была прычына гэтага рашэння, менавіта Беларусь падставіла сваіх партнёраў, бо яна не змагла забяспечыць сваю місію як транзіцёра кітайскіх тавараў.

Нагадаем, напярэдадні вучэнняў «Захад-2025» Польшча закрыла мяжу з Беларуссю, перакрыўшы сухапутны калідор для кітайскіх грузаў у Еўропу.

Варшава дамагаецца ад Лукашэнкі спынення гібрыдных атак і вызвалення вязняў рэжыму.