Беларускі абаронца згуляў у варотах у матчы чэмпіянату па футболе

• 19.09.2025, 13:38

Ён нават адзначыўся сэйвам.

Незвычайны эпізод адбыўся ў матчы 21-га тура Betera-Вышэйшай лігі паміж БАТЭ і «Слуцкам» (3:0). У канцоўцы сустрэчы сур'ёзную траўму атрымаў галкіпер «цукровікаў» Сяргей Чэрнік.

На полі павінен быў з'явіцца яго дублёр Ілля Бранавец, але каманда вычарпала ўсе магчымыя замены.

З-за гэтага вароты давялося абараняць палявому гульцу – абаронцу Арцёму Толкіну.

Футбаліст прызнаўся, што ўпершыню ў кар'еры апынуўся ў ролі галкіпера падчас афіцыйнага паядынку. «Гэта быў першы выпадак, калі палявы гулец нашай каманды заняў месца варатара з-за траўмы або выдалення», – адзначыў ён. На рахунку Толкіна – адзін сэйв і адзін прапушчаны мяч. Сам гулец ацаніў свой «дэбют» стрымана.