Байцы ГУР высадзіліся на Тэндроўскай касе і зладзілі пастку акупантам

• 19.09.2025, 9:45

Знішчана тэхніка ворага.

Украінскія разведчыкі з цэнтра марскіх аперацый «Viking» уначы на Тэндроўскай касе ўсталявалі мінныя загароджы. Таксама ўкраінскім абаронцам удалося знішчыць расійскага «Віцязя» — шматмэтавы цягач ворага.

Пра гэта паведамляе ГУР МА Украіны ў Telergam.

«Паспяховы рэйд на Тэндроўскую касу — байцы цэнтра марскіх аперацый «Viking» Дэпартамента актыўных дзеянняў ГУР МА Украіны здзейснілі чарговую начную высадку і ўсталявалі на касе мінныя загароджы», — напісалі ў разведцы.

Таксама ў ГУР дадалі, што ўкраінскім байцам з цэнтра марскіх аперацый удалося ліквідаваць «памочніка» расіян на Тэндроўскай касе — шматмэтавы цягач «Віцязь».

«У пастку спецназаўцаў ваеннай разведкі Украіны трапіў шматмэтавы цягач расійскіх акупантаў ДТ-10 «Віцязь», які маскавіты выкарыстоўвалі для дастаўкі асабовага складу, зброі і правіянту на варожыя пазіцыі, — гусенічны рускі «Віцязь» знішчаны», — адзначылі ў разведцы і дадалі, што барацьба з варожай лагістыкай працягваецца.