Расія з-за змянення клімату страціць трыльёны рублёў

• 19.09.2025, 9:12

Украінская разведка раскрыла падрабязнасці.

Расійская эканоміка з-за пацяплення там, дзе звычайна халодна, а таксама росту экстрэмальных прыродных з'яў — страціць трыльёны рублёў.

Пра гэта паведамляе прэс-служба Службы вонкавай разведкі Украіны (СВРУ).

У разведцы адзначылі, што ў выніку таяння і прыродных з'яў у Арктыцы ўжо пацярпелі да 60% будынкаў.

«Да сярэдзіны стагоддзя толькі страты жыллёвага фонду могуць дасягнуць 20,7 млрд долараў, а агульная шкода інфраструктуры перавысіць 100 млрд долараў», — гаворыцца ў паведамленні.

Як піша СВРУ, сумарныя страты для эканомікі РФ ацэньваюцца мінімум у 5 трлн рублёў да 2050 года.

Асабліва дарагім будзе ўтрыманне дарог у паўночных рэгіёнах РФ, а менавіта — ад 422 да 865 млрд рублёў штогод. Пад найбольшай рызыкай Чукотка, Якуція і Магаданская вобласць.

Акрамя таго, праблемы ўзнікаюць і ў аграсектары.

«У паўднёвых рэгіёнах чакаецца падзенне ўраджайнасці збожжавых са стратамі больш за 100 млрд рублёў у год. Частковае пашырэнне вытворчасці ў цэнтральных і паўночных рэгіёнах не зможа кампенсаваць гэты дэфіцыт», — паведамляе разведка.

Таксама пад пагрозай нават лічбавая інфраструктура. СВРУ інфармуе, што да 2050 года да 30% дата-цэнтраў у Маскоўскай вобласці могуць стаць ахвярамі паводак, пажараў і моцных вятроў.

«Ужо сёння страты ад стыхійных бедстваў складаюць 900 мільярдаў рублёў штогод», — сказана ў публікацыі.

Рэзюмуючы, у разведцы дадалі, што Расійская Федэрацыя імкліва ўваходзіць «у фазу сістэмнай дэградацыі інфраструктуры, эканомікі і сельскай гаспадаркі», а наступствы кліматычных змяненняў будуць толькі паглыбляць крызіс.