Стармер заклікаў Трампа націснуць на Расію

• 19.09.2025, 4:44

Прэм’ер Вялікабрытаніі заявіў, што дыктатар РФ «моцна асмялеў».

ЗША неабходна ўзмацніць ціск на Расію, паколькі дыктатар Уладзімір Пуцін занадта асмялеў у кантэксце вайны супраць Украіны.

Пра гэта прэм’ер Вялікабрытаніі Кір Стармер заявіў на сумеснай прэс-канферэнцыі з прэзідэнтам ЗША Дональдам Трампам.

Стармер заявіў, што Трампу неабходна націснуць на Пуціна для завяршэння вайны РФ супраць Украіны, таму што кіраўнік Крамля «занадта асмялеў і дзейнічае безразважна».

«Таму саюзнікам варта ўзмацніць дзеянні супраць Пуціна. Дзеянні Еўропы, з гарантыямі ЗША, з’яўляюцца прыкладам таго, як Еўропа бярэ на сябе адказнасць», — дадаў брытанскі прэм’ер.