На Камароўцы з’явіліся першыя мандарыны

• 19.09.2025, 2:59

Колькі каштуюць?

Да Новага года яшчэ больш за тры месяцы, а галоўны смак снежня ўжо можна паспрабаваць. На Камароўскім рынку ў Мінску з’явіліся мандарыны, піша «Смартпрэс».

«Гэта ж першыя?»

«Так, нядаўна толькі завезлі!»

На прылаўках — мандарыны з Іспаніі: за кілаграм просяць ад 12,90 да 14,90 рубля. А за «салодкі, сакавіты і без костачкі» фрукт з ПАР — 9,90 рубля.

Яшчэ са звыклага зімовага асартыменту — хурма. Пакуль знайшлі толькі на адной кропцы: гатунак «Свеча», дробная, з Узбекістана — такая «малючка» абыдзецца ў 15,90 рубля за кілаграм.