Лукашысты хочуць запусціць прамыя авіярэйсы ў Венесуэлу

• 18.09.2025, 16:19

Мінск абмяркоўвае з Каракасам прамое авіязлучэнне для пасажыраў і грузаў.

17 верасня надзвычайны і паўнамоцны пасол Беларусі ў Баліварыянскай Рэспубліцы Венесуэла Дмитрий Деревинский правёў сустрэчу з міністрам транспарту Венесуэлы Рамоном Селестино Веласкесом Арагуаяном, паведамляе прэс-служба МЗС.

У ходзе перамоваў бакі разгледзелі бягучы стан супрацоўніцтва ў сферы авіязносін і абмеркавалі перспектывы наладжвання прамых авіярэйсаў паміж Мінскам і Каракасам. Ідзе гаворка як пра пасажырскія, так і пра грузавыя перавозкі.

Бакі таксама ўзгаднілі правядзенне шэрагу сумесных мерапрыемстваў у найбліжэйшы час, накіраваных на ўмацаванне ўзаемадзеяння і развіццё транспартных сувязяў паміж дзвюма краінамі.