Кіраўнік МЗС Польшчы назваў умову адкрыцця мяжы з Беларуссю

• 18.09.2025, 19:27

Кітай паабяцаў правесці з Лукашэнкам «шчырую размову».

Міністр замежных спраў Польшчы Радаслаў Сікорскі у эфіры Polsat распавёў пра размову з кіраўніком кітайскай дыпламатыі Ван І, якая адбылася 15 верасня. Па словах міністра замежных спраў, размова датычылася і мяжы з Беларуссю.

На ўдакладняльнае пытанне пра тое, што Кітай хоча адкрытай мяжы паміж Беларуссю і Польшчай, Сікорскі адзначыў, што польскай умовай з'яўляецца бяспека на межах.

«Гэта ў пэўным сэнсе вельмі проста. Калі праз гэтую мяжу можна праязджаць, то там не могуць шнырыць банды псеўдабежанцаў, падганяемыя Лукашэнкам. Яна павінна быць бяспечная і ўздоўж, і ўпоперак», — сказаў Сікорскі.

Выданне Nesweek са спасылкай на крыніцы ў польскім МЗС піша, што кіраўнік кітайскай дыпламатыі Ван І даў зразумець Сікорскаму, што ўлады КНР «правядуць шчырую размову з Лукашэнкам» наконт сітуацыі на польскай мяжы.

Нагадаем, напярэдадні вучэнняў «Захад-2025» Польшча закрыла мяжу з Беларуссю, перакрыўшы сухапутны калідор для кітайскіх грузаў у Еўропу.

Варшава дабіваецца ад Лукашэнкі спынення гібрыдных атак і вызвалення вязняў рэжыму.